Shoo the Flu!
Fakahoko ho’o flu jab ke tokoni ki hono malu’i ho fāmili.
Ko hono fakahoko ‘a e flu jab ko e taha ia e ngaahi founga lelei taha ke malu’i ‘aki koe mei ha’o puke he flu.
Ko e hā e ‘uhinga ‘oku totonu ai ke fakahoko ‘a e flu jab?
Ko e flu ‘oku ‘ikai ko ha ki’i fakamomoko pe. ‘E lava ke ke puke lahi mei ai pea iku ‘o ke tokoto falemahaki he taimi ‘e ni’ihi. Ko e flu ‘oku lava ke vave ‘ene mafola, ko ia ai ko hono fakahoko ‘a e flu jab ‘e tokoni ia ki hono malu’i ho fāmilí mo e toenga e kakai ‘i he komiunitī, hangē ko kinautolu ‘oku mou lotu, ngāue pe ako fakataha.
Ko hai ‘oku lava ke fakahoko ki ai ‘a e flu jab?
‘Oku ta’etotongi ia kia kinautolu ta’u 65 ki ‘olunga, ngaahi fa’ē feitamá mo e longa’i fānau iiki si’i hifo he ta’u 4 ne nau puke mo mānavatamaki ‘o nau tākoto falemahaki ai. ‘Oku toe ta’etotongi foki ki ha taha pe, tatau ai pe ko e hā hono ta’u motu’á ‘oku nau mo’ua ‘i ha alangāmahaki hangē ko e mahaki mafu, kanisā, suka, hela, puke faka’atamai mo keina ‘e he faito’o konatapu.
