Ma‘i o le Fiva Fai‘ai e mafua ai aafiaga o ‘afu‘afu o loo siosiomia ai le fai‘ai

Aua e te toe faatali – gaioi loa

E tusa lava pe e te manatu ua uma ona fai le tuipuipui o le tagata.

O le ma‘i o le fiva fai‘ai e vave tele ma e mafai ona oti ai se tasi ma pe matuā ogaoga foi ona lē toe atoatoa ai le malosi o le tino.
Ia vave lava ona saili mo se fesoasoani pe afai ua e iloa atu i se tasi se āuga poo āuga nei o loo ta‘ua i lalo.
O nei āuga o le fiva fai‘ai atonu e lē aliali faatasi uma mai i se taimi e tasi.

Āuga i pepe

Malosi le fiva (atonu e mālūlūina lima ma vae pe tetete foi)
Matamoe pe faapēpē solo pe faigata ona ala lelei mai
Ua tagivale ae lē masani ai
Malō le ua
Lē fiafia pe a sesega tele molī
Faasuati
E musu e fafaga atu
O nisi taimi, ua nii solo le mūmū i le tino ma peiseai e uno‘oa le tino

Āuga i fanau matutua ma tagata matutua

Malosi le fiva ma tiga le ulu
Fenumiai le mafaufau ma fia moe gofie
Tiga sooga o ponaivi ma tiga maso o le tino
Malō le ua
Lē fiafia pe a sesega tele molī
Faasuati
O nisi taimi, ua nii solo le mūmū i le tino ma peiseai e uno‘oa le tino

E lē o tagata uma ua aafia i le ma‘i o le fiva fai‘ai e nii ai pata i le tino. Aua e te faatali seiloga e nii ni mea i lou tino faatoa e saili mo se fesoasoani faafomai.

E mafai ona e vili i le telefoni vilifua a le e 24 itula i le aso: 0800 611 116

Aua e te toe faatali – gaioi loa

Afai o oe poo se isi tagata o lou auaiga ua ma‘i i se tasi o āuga poo āuga uma o loo faaalia atu i le isi itulau, ua tatau loa ona vave fai se gaioiga.

E eseese ituaiga o ma‘i o le fiva fai‘ai. E mafai pea e tagata ona maua i le fiva fai‘ai e tusa lava pe ua uma ona fai so latou tuipuipui e tetee atu ai i se tasi ituaiga o fiva fai‘ai.

E lē o faatulagaina patino le faiga o tuipuipui mo pepe ma tamaiti laiti e tetee atu ai i le ma‘i o le fiva fai‘ai.

Ia vave ona e gaioi e tusa lava pe e te lē o mautinoa poo se ma‘i o le fiva fai‘ai.

Afai o se ma‘i faafuasei, ia vili le 111 ma talosaga atu mo se taavale a le falemai.

Vili se fomai, poo le vaega o fomai i falemai laiti o loo matala i tua mai o taimi faigaluega masani, pe vili le numera vilifua a le Healthline (0800 611 116) i le taimi lava lea, i le ao poo le pō.

Ta‘u mai poo ā āuga o le ma‘i.

Afai ua faatonu e le fomai se tasi e toe foi e mālōlō i le fale, e tatau lava ona vaavaai lelei o ia. Aua le tuua na o ia i le fale.

Afai ua amata ona tigaina tele le tagata, toe ave sa‘o lava i le fomai pe ave loa i le falemai. Ia gaioi vave lava i le taimi lena. Alu ma ave lenei pepa pe afai e fesoasoani ia te oe e faamatala ai poo le ā le mea ua faaletonu.

E mafai ona e vili le telefoni vilifua a le e 24 itula i le aso: 0800 611 116 – e tusa lava po ua uma ona vaai oe e se fomai poo se tausi soifua.